Banner
Nav Menu
Sidebar

Author: Ron Graham

bislama

Jisas i bin Stanemap Tru Jos
—Klosap long 2000 yia i pas finis

Nao i gat plante defren jos we oli stap long wol ya. Be Jisas i gat wan jos nomo. Jisas i talem se, Bambae mi mi stanemap jos blong mi (Matiu 16:18) Jisas i no bin brekem promes ya.

Long Vanuatu tede i gat plante defren jos we oli stap. Nao oli karem ol defren nem wanwan, oli tijim wanwan samting we oli defren tumas.

Be long Baebol i gat wan jos o skul nomo, we Jisas i stanemap samwea long 2000 yia i pas finis. Olfala jos ya i faswan, i bifo olgeta narafala jos. Nevamaen we plante niufala jos i stat biaen, olfala jos ya i stap yet. Long Matiu 16:18 Jisas i talem se, "Bae mi mi stanemap jos blong mi..." Tokya i kamtru i no long taem afta Jisas i talemaot samting ya.

1 Jisas i stanemap jos blong hem

Stori ya i gohed olsem. Samwea long wan yia afta Jisas i talem se, "Bae mi mi stanemap jos blong mi", hem i ded long wan krospos long Jerusalem, mo hem i go long beregraon. Be bifo tri dei i save pas, Jisas i girap, i no moa ded, i laef bakegen. Bian Jisas i go antap blong stap wetem Papa blong hem long Heven (Ol Wok 2:22-24).

Nao Jisas i sanem Tabu Spirit i kam blong statem jos blong Jisas. Samting ya i kamaot long Dei blong Pentekos. De ya, i kam samwea long seven wik afta Jisas i ded long kros. Long dei ya Pentekos, olgeta aposol oli prij long Jerusalem, mo samwea long 3000 man oli bilif long wanem ol aposol oli talemaot. Ol man ya, oli askem ol aposol ya se, "Bae mifala i mekem olsem wanem?" Mo Pita i ansa long olgeta olsem.

"Yufala i mas tanem tingting blong yufala from ol sin blong yufala, mo yufala evriwan i mas baptaes long nem blong Jisas Kraes, blong bambae God i tekemaot ol sin blong yufala." Nao oli mekem samting ya long nem blong Kraes nomo, mo God i joenem olgeta long wan grup nomo. Hemia faswan jos we Jisas i bin mekem (Ol Wok 2:1-4,37-42,47).

2 Taem we tru jos i stat finis

Jos we Kraes i stanemap, i kamtru samwea long 30AD, mo jos ya i stap oltaem kasem tede samwea long 2000 yia biaen. Jos ya i olfala we i bitim evri narafala jos. Plante man oli bin statem ol narafala jos long ol defren taem. Sam smol eksampol i stap olsem:

  • Jisas i mekem tru jos blong hem klosap long 2000 yia i pas finis.
  • Samfala jos olsem Katolic, i olfala tumas. Stat blong hem i bitim 1000 yia i pas finis, be i no kassem 2000 yia nogat.
  • Samfala jos olsem Presbyterian, i olfala tu. Stat blong hem i klosap 500 yia i pas finis.
  • Samfala jos olsem SDA, i nuifala jos. Stat blong hem i no bitim 200 yia i pas finis.
  • Samfala jos olsem AOG, i nuifala tumas. Stat blong hem i klosap long tede.
  • Be long olgeta jos we oli stap, i no gat wan we i olfala naf blong kasem stat blong jos we Jisasi stanemap klosap 2000 yia i pas finis.

3 Nem blong jos mo ol memba blong hem

Seken ples wea Jisas i stanemap jos blong hem, i Antiok long Siria. Long ples ya, ol man blong jos oli kasem wan nem se, "Ol Kristin man" (Ol Wok 11:26). Hemia nao, i wan nem we i stap long Baebol mo i leftemap nem blong Jisas Kraes. I bitim ol rabis nem we oli kamaot long tingting blong man nomo, mo ol rabis nem ya oli givhan long divaedem ol man we i bilif long Kraes. I nogud we oli yusum nem olsem Katolic jos, o Presbyterian jos, o SDA jos, o AOG jos, o narafala nem. Prapa nem, hem i Kraes jos, from Jisas i talem se, "Bambae mi mi stanemap jos blong mi" (Matiu 16:18)


Written in Bislama the national language of Vanuatu. Bislama is one of several creoles spoken in Australia and islands of the Pacific.


DONATE

to simplybible.com
Webservant Ron Graham


Copyright on print
Footer