Banner
Nav Menu
Sidebar

Author: Ron Graham

bislama

Wanem i Hapen long Fuija?
—Long taem we Jisas bambae i kamtru bakegen?

Naoia, bambae Kraes i Kambak Bakegen. Baebol i talem se "From we mi go blong mekemrere ples blong yufala, bambae mi kambak blong tekem yufala i kam stap wetem mi..." (Jon 14:2-3).

Naoia, bambae Kraes i Kambak Bakegen ?Wanem bambae i hapen long fuija, long taem we Jisas bambae i kamtru bakegen?

Fastaem mi givim you wan lis blong ol pasis blong Baebol we oli ansarem kwestin we i stap antap long pej ya. Sapos yu yu wantem blong ridim ol pasis ya fastaem, i gud tumas.

Matiu 25:31-46, Jon 5:25-29, Ol Wok 1:9-11, 1Korin 15:50-54, 1Tesalonaeka 4:15-18, 2Tesalonaeka 1:7-10, 2Pita 3:10-14, Revelesen 20:11-15.

Long ol pasis ya, yumi faenem seven samting we bambae i hapen long Lasdei, taem we Jisas i kambak bakegen. Plis yu luk long seven samting ya we bambae i hapen long sem dei.

1 Bae Jisas i kambak bakegen long skae

Jisas Kraes hem i kamtru long skae. Long Ol Wok 1:11, Jisas i bin go antap long skae, mo ol aposol long hem oli bin luk long hem. Afta, wan klaod i kam nao i haedem Jisas. Afta, wan enjel i talem se, "Jisas bambae i mas kambak bakegen long sem fasin ya we yufala i luk we hem i go antap". Olsem long Revelesen 1:7 i talem se bambae Jisas i kam long klaod, mo ol ae blong olgeta man bambae oli luk hem.

Jif blong ol enjel hem i singaot bigwan. Long Fas Korin 15:51 i gat tok ya se bambae "bigfala pupu long Lasdei i krae". Olsem long 1Tesalonaeka 4:16 se bambae God i tok, mo jif blong ol enjel i singaot, mo wan enjel i blu long bigfala pupu blong God.

2 Bae ol ded man oli laef bakegen

Ol man we oli ded finis, bambae oli laef bakegen. Long 1Tesalonaeka 4:16 i gat wan promes se ol ded man we bifo oli stap joen long Jisas, bambae oli girap mo oli laef bakegen. Naoia, Jon 5:28-29 i talem se ol ded man we bifo oli stap mekem ol rabis fasin, bambae oli girap tu long sem taem.

Nao ol kristin man oli kasem nuifala bodi. Long 1 Tesalonaeka 4:17 i gat promes we ol kristin man bambae oli flae. ?Olsem wanem? Ol bodi blong olgeta, oli no save mekem olsem, from oli nogat wing. Be 1Korin 15:50-54 i talem se ol kristin man bambae oli kasem niufala bodi. Nao nuifala bodi ya, i save kasem heven.

3 Bae Jisas i jajem evri man long wol

Bambae ol man long wol, oli mas pas long kot blong Kraes mekem se hem i save jajem olgeta. Long Matiu 25:31-46 Jisas i talem stori blong Lasdei. "Bambae mi king mi gat olgeta paoa, bambae mi kamtru wetem olgeta enjel blong heven, nao mi go sidaon long bigfala jea blong mi.

Nao olgeta man blong wol bambae oli kam stanap long fes blong mi, mo mi bambae mi seraot olgeta, olsem we man blong lukaot sipsip i stap seraot ol sipsip blong hem long ol nani blong hem." Nao olgeta blong nani ya, bambae oli go blong kasem panis, be ol stret man blong sipsip bambae oli go blong kasem laef we i no save finis.

4 Bae ol Kristin man oli go antap

Ol kristin man bambae oli go antap blong mitim Jisas Long 1 Tesalonaeka 4:17 i talem se bambae oli go antap long klaod blong mitim Jisas long skae.

5 Bae wol ya i lus olgeta

Wol ya bambae i lus olgeta. Long 2Tesalonaeka 1:8 i tokbaot "faea we Jisas i laet hem". Long Revelesen 20:11, "Wol mo skae, tufala... i lus olgeta". Nao 2Pita 3:10-13 i talem se long Lasdei God i bonem ol wol wetem faea, mo wol ya bambae i lus olgeta. Nuifala wol i stap long heven. Hemia nao, "Jisas Masta plis yu kam" (Revelesen 22:20)

6 Bae ol narafala man oli kasem panis wetem Setan

Nao ol narafala man we nem blong olgeta i no stap long buk blong laef, bambae oli kasem panis wetem Setan Yu luk long 2Tesalonaeka 1:8-9, Revelesen 20:10,15 mo Matiu 25:46. Igat panis blong evri man we i no bin obei long Jisas. Panis ya, bambae i kam long Lasdei mo i no save finis.

7 Bae ol Kristin man i go long niufala wol

Hemia nao, ol man we oli mitim Jisas long skae, bambae oli go wetem Jisas long niufala wol. Nao oli stap oltaem long heven ya, long gudfala ples blong olgeta we Jisas i mekemrere finis (Jon 14:3).


Written in Bislama the national language of Vanuatu. Bislama is one of several creoles spoken in Australia and islands of the Pacific.


DONATE

to simplybible.com
Webservant Ron Graham


Copyright on print
Footer